About Me
Van(Josh), ka si i zuksuaimi le computer cung design tuahtu kasi. Ka khua cu Hakha peng Chuncung khua asi i, United States of America, Indianapolis ah khuasa liomi kasi. Texas State le New Mexico State ah kum zeimawzat ka um i, Eastern New Mexico University ah Visual Art le Graphic Design in Bachelor's Degree ka dih. Zuksuai le design tuah hna ka hun i thimnak aruang bik cu keimah tein nuncannak ding rian ah thahnem lai timi ruahchannak le ka miphun caah á¹hanchonak lam asi ve ko timi zumhnak ruang ah asi.
​
Zuksuai hi ka ngakchiat tein ka tuah tawnmi asi i nihin ni ah cun rian ngai ah ka hun tlaih hi asi. Zuk ka suai tik ah, caan tam deuh cu vanpang cung i tar awk zohdawh sawhsawh men le mit in hmuhkhawhmi mithlang sawhsawh men lawng ah asi lo. Kei ka caah cun, zuk le lem hna hi minung kan lungthin, kan ruahnak, le kan zumhnak hna kan mit in hmuh kho ding in le kan hna in thei kho ding in langhter tu le bia achim kho tu thil mansung ansi. Zuk pakhat nih mi pakhat i a tuanbia, a sining, le a zumhnak vialte khi a chimkhawh i a ken piak khawh. Cubang, ka suksuaimi tam deuh cu, ka tuanbia, ka sining, le ka zumhnak a langhter tu le a keng tu ansi. Cun, Lai fa ka si bang, ka zuk suaimi tampi nih laimi kan tuanbia, kan sining le kan zumhnak hna zong an langhter hna fawn i hmailei zong ah kan laimi miphun, nunphung, zumhnak, le dawhnak hna hi zuk le lem hna in langhter chin ding zong hmuitinh ah ka ngeih i saduh ka that.
​
Cun, computer cung design lei zong hi ka tuah pah fawn. Nihin kan laimi sining ka hmuh ning ah, nizaan tihni te lawng thil hruk aih a thiammi kan si i, á¹hangcho cia ram dang kan hun phanh cu thil tampi ah hnu ah kan tang rih i thil tampi ah á¹hancho ding kar tampi kan i duh rih. Culak ah thil biapi ngai pakhat ah á¹hangcho usi law tiah saduh ka thahmi cu "design" lei ah hin asi, aruang cu miphun pakhat kan á¹hanchonak ding ah cun mitampi nih kan miphun kan i dawhnak, kan tuanbia le hla an sunlawinak, kan ruahnak/zumhnak an biapitnak tibantuk kan sining/konglam hna kha an kan hmuh le an kan theih ahau. Cu kan sining vial te an kan theih khawhnak ding ah cun an sin ah a lam kip in kan i langh le kan i phozar cio kha a hau. Lam tampi lak ah biapi hna cu kan thuam dawh hna le kan thilman sung hna, kan bia le hla cauk le muicawl te hna, kan nunphung chingchiahnak hna le kan zumhnak chingchiahnak hna pawl hi, minih zoh duh awk, mi mit hlang kho ding in le milung hna la kho ding in sersiam zia le phozar zia kha kan thiam aherh. Curuang ah cun, design lei zong hi biatak in thazaang ka hun chuahnak asi.
​
Hi ka zumhnak le ruahnak vialte langhternak le rianhma laknak caah hi Van'sArts hi ka hun thawkmi asi. Hi hlan ah a ka dirpi tu chungkhar, hawi le kom le miphun hna thazaang hun ka pe rih ulaw hun ka dirpi rih ko uh tiah kan sawm hna.
​
....................................
​
​
When Van chooses to make art, he does not just do it for its beauty. To him art is not just a pretty picture on the wall. To him art is a living tongue that speaks the core truth about life, and it is a talking image that reveals memories, emotions, perspectives and beliefs of a person. It is a helping hand that reaches out to those in needs of helps. A comforting word to the worries and the burdens. With that in mind, he chooses to make art to raise awareness, take action against poverty, and to promote the culture, beliefs, lifestyle, and tradition of the underserved.